嚇得我丫...

我以為自己得返皮幾野...
仲諗住可以有幾萬蚊過三個月安穩生活架嘛
過定少少錢去供樓戶口諗住呢三四個月可以唔使煩供樓筆錢
原來我計錯數...

嚇得我丫...

在家千日好

在家千日好；
喺屋企做乜都開心啲，篤串魚旦都好味啲～嘿

放咗連日周末(即係孖day啦)，
過咗好regular的生活：

夜晚１２點幾訓
下午１１－１２點起身（係呀，我係要訓咁耐架）
食野行一陣（商場／山）
返屋企抖／小睡
睇一陣電視／玩一陣電腦
食晚飯
抖一陣
又到夜晚１２點幾訓


咁就一日架喇
辭咗職之後我第一個月就要過呢種調整生活
依家預演下先
正呀～

改革第一步

我為我的改革路行出了第一步。
雖然之後我可能會食穀種
但完成後，圍繞我的都是快樂又輕鬆的氣氛
＝一身鬆哂

唯一想不到的是
我老闆竟然為了我的離職而落淚了

老闆多謝你啊！其實你係一個好老闆來啊！

是日6。四

我不知道六‧四的全部是甚麼；

畢竟當年我還是年少，不能學人談無忘六四。
六四集會我也只去過兩次。
但六四這一天我還是會撐華叔撐長毛撐支聯撐民主。
我更不是強悍烈士，我不會抗議遊行，但總暗暗心理叫好！


每一次聽“自由花”都覺得我們應該繼續為８９年的人們繼續站著，
請不要被時間洗掉歷史及前人的努力．．．　．．．

自由本是與生俱來的，卻不知由何時開始被地位權力扼殺了。



自由花
曲：中國民謠
詞：周禮茂

忘不了的，年月也不會蠶蝕，心中深處始終也記憶那年那夕；
曾經痛惜，年月裏轉化為力，一點真理，一個理想永遠地尋覓。
悠悠長長繼續前航不懂去驚怕，荊荊棘棘通通斬去不必多看它，
浮浮沉沉昨日人群雖不說一話，不想清楚分析太多真心抑意假。

＊但有一個夢，不會死，記著吧！無論雨怎麼打，自由仍是會開花，
但有一個夢，不會死，記著吧！來自你我的心，記著吧！

忘不了的，留不了不死意識，深深相信始終會變真某年某夕；
如此訊息，仍賴你跟我全力，加一把勁，將這理想繼續在尋覓。

FOXCONN‧行路

FOXCONN

今日信報─『內地工人人工可望上調』
陰公，死咗十幾個人先可望上調．．．　．．．
加人工真係要以死相諫乎？



行路

我行路多數望下地，
總之一定唔會望人地塊面。
原因有２：

一．如果哨到嘅係靚仔／女，佢會覺得你望佢，佢會好自豪，然之後我會覺得自己好似侵犯咗佢一嘢咁。

二．如果哨到嘅係面容扭曲嘅．．．陰公，喺條街度你都好難去洗眼，正所謂眼不見為乾淨。

如果我超唔覺意喺街望到你又認到你，ＳＯＲＲＹ，你真係好唔好彩。